بیول(نمائندہ او پی ایل) سعیدہ وارثی کی قائم کردہ این جی او سویرا فاونڈیشن (یوکے) کی طرف سے لڑکیو ں کے دو سرکاری سکولوں کو الیکٹرک واٹر کولر عطیہ کئے گئے۔ گورنمنٹ گرلز ایلیمنٹر ی سکول مل اعوان گوجرخان اور گورنمنٹ گرلز ہائی سکول کاہلیاں سہالیاں تحصیل کلر سیداں میں الیکٹرک واٹر کولر نصب کر دیئے گئے ہیں۔ افتتاح کے موقع پر سویرا فاونڈیشن کی کنٹری منیجر مسز نصرت مبشر بچیوں میں گھل مل گئیں... اور انہوں نے دیہی علاقے کے سرکاری سکول میں زیر تعلیم بچیوں اور خواتین اساتذہ سے تعلیمی تجربات شیئر کئے۔سکول کی بچیوں نے مستقبل میں ٹیچر اور ڈاکٹر بننے کے عزم کا اظہار کیا۔مسز نصرت مبشر نے دیہی علاقے کی بچیوں میں علم حاصل کرنے کی جذبے اور ان کی لگن کو سراہا۔ دونوں سکولوں کی انتظامیہ اور اساتذہ نے الیکٹرک واٹر کولر مہیا کرنے پرسعیدہ وارثی اورمسز نصرت مبشر کا شکریہ ادا کیا ہے۔
No comments:
Post a Comment